Operaperler ved kysten var OperaKysten sin første operagalla.
Ein operagalla er ein konsert der songarane og musikarane framfører utdrag eller songar ifrå ulike operaer, gjerne med ein raud tråd som leiar publikum gjennom forestillinga. Både solosongar, eller ariar som det heiter i operaverda, duettar, trioer og kvartettar vart framført denne kvelden og publikum fekk høyre musikk frå heile spekteret av operahistoria. Spesielt godt hugser nok publikum scena ifrå Don Giovanni, der dåverande kultursjef Roald Leivestad fekk spele ut ei større dødsscene, og deretter vert funne av si svært hysteriske dotter og svigerson. Eit anna verkeleg høgdepunkt i konserten var Dagfinn Andersen og Eirik Grøtvedt si framføring av den velkjende ”Perlefiskarduetten” ei oppleving mange seint vil gløyme.
Operagallaen gjekk av stabelen 1. april 2017 i Florø kyrkje.
Artistande som var med denne kvelden var:
Nora Oleanne Sårheim – sopran
Marcela Randem – mezzosopran
Eirik Grøtvedt – tenor
Dagfinn Andersen – baryton
Oda Alisøy – konferansier
Andreas Løken Taklo – flygel
Audun Hareide – fiolin
